X
Код презентации скопируйте его
Беларусь у складзе Рэчы Паспалітай (Беларусь в составе Речи Посполитой)
Скачать эту презентацию
Презентация на тему Беларусь у складзе Рэчы Паспалітай (Беларусь в составе Речи Посполитой)
Скачать эту презентациюCлайд 1
Беларусь у складзе Рэчы Паспалітай. 1. Люблінская унія 1569 г. Утварэнне Рэчы Паспалітай. Грамадска-палітычны лад Рэчы Паспа-літай. Дзяржаўна-прававое становішча ВКЛ у складзе Рэчы Паспалітай. Паглыбленне палітычнага крызісу Рэчы Паспалітай у другой палове ХVІІ – ХVІІІ ст. Падзелы Рэчы Паспалітай. Презентации по истории беларуси
Cлайд 2
Прычыны заключэння Люблінскай уніі: Знешне- палітычныя Унутры- палітычныя Дынастычныя няўдалы пачатак Лівонскай вайны 1558 – 1582 гг., які прывёў да чарговых тэрытарыяльных страт, паставіў дзяржаву на мяжу магчымага і выцягнуў са скарбу ўсе сродкі. адкрытае супрацьстаянне паміж магнатамі і шляхтай. Шляхта імкнулася да ліквідацыі адзінаўладдзя буйных феадалаў і атрымання роўных правоў з польскай шляхтай. боязь за спыненне асабістай уніі, якая злучала дзве краіны, пасля смерці апошняга з дынастыі Ягелонаў Жыгімонта Аўгуста.
Cлайд 3
Чарговая спроба заключыць унію прызначалася на сойм ў Любліне, які пачаўся 10 студзеня 1569 г. і працягваўся амаль 6 месяцаў. Кожны з бакоў уносіў свае прапановы, якія не прымаліся супрацьлеглым бокам. Калі паслы ВКЛ убачылі пагрозу прымусовага заключэння ўніі на непрымальных для іх умовах, 1 сакавіка 1569 г. яны пакінулі Люблін. У гэты час польскія феадалы дабіліся ад Жыгімонта Аўгуста выдання ўказаў аб далучэнні да каралеўства Польскага Падляшша (5 сакавіка 1569 г.), Валыні (15 мая 1569 г.), Падолля (1 чэрвеня 1569 г.) і Кіеўшчыны (5 чэрвеня 1569 г.). Пад пагрозай сілы і пазбаўлення маёнткаў паслы гэтых зямель прысягнулі Польшчы. Хоць гэтыя акты і былі супрацьпраўныя, але ВКЛ у склаўшайся сітуацыі не магло ісці на ваенны канфлікт з Польшчай. http://prezentacija.biz/prezentacii-po-istorii/prezentacii-po-istorii-belarusi/
Cлайд 4
1 ліпеня 1569 г. быў зацверджаны акт Люблінскай уніі. Згодна з умовамі ўніі, стваралася новая дзяржава – Рэч Паспалітая. На чале яе быў адзін гаспадар. Агульныя соймы павінны былі склікацца толькі ў Польшчы. Павінна была стаць агульнай і знешняя палітыка. Заключаныя раней дагаворы трацілі юрыдычную сілу, калі яны супярэчылі інтарэсам Рэчы Паспалітай.
Cлайд 5
Пастановы, процілеглыя ўніі, скасоўваліся, ліквідавалася мытня паміж краінамі. Унія абвясціла ўвядзенне адзінай манеты, дазволіла ўсім жыхарам дзяржавы набываць маёнткі, зямлю ў любой частцы Рэчы Паспалітай. Захоўваліся ўсе правы, прывілеі, вольнасці, ганаровыя і службовыя пасады, княжацкія тытулы, шляхецкія роды ў землях злучаных дзяржаў, а таксама суды. Захоўвалася недатыкальнасць зямельных уладанняў, юрыдычная моц усіх папярэдніх падараванняў вялікага князя літоўскага.
Cлайд 6
Рэч Паспалітая двух народаў была канстытуцыйнай, саслоўнай манархіяй на чале з каралём, які выбіраўся шляхтай.
Cлайд 7
Заканадаўчым органам у ёй быў двухпалатны агульны (вальны) сойм, які складаўся з Сената (Рады) (ўваходзілі найбольш знатныя свецкія і духоўныя феадалы, каля 150 чал.) і Пасольскай ізбы (складалася з дэпутатаў ад шляхецкіх павятовых соймікаў, каля 180 чал.). Пастановы на сойме прымаліся аднагалосна (з 1589 г.). Група дэпутатаў альбо адзін дэпутат мог сказаць “не дазваляю”, і пастанова прыпынялася. Гэта права “liberum veto” разглядалася як адна з найважнейшых “залатых шляхецкіх вольнасцей”.
Cлайд 8
Прававое становішча караля (кіраўніка выканаўчай улады) рэгулявалася агульнадзяржаў- нымі актамі – “Pacta conventa” (“Пакта канвента”) і “Генрыха- вымі артыкуламі”. У выпад- ках, калі кароль парушаў законы і свае абавязкі, шляхта мела права склікаць канфедэрацыі і пачаць узброенае паўстанне супраць яго (“рокаш”).
Cлайд 9
Пасля смерці караля пачыналіся часы бескаралеўя, падчас якога існавала асобая пасада інтэррэкса, якую звычайна займаў прымас – кіраўнік польскай каталіцкай царквы. Ён склікаў для абрання новага караля тры соймы: 1) канвакацыйны, на якім вызначаліся час і месца выбараў караля, выпрацоўваліся ўмовы дагавору з кандыдатамі; 2) элекцыйны (выбарчы), на якім праводзіліся выбары і заключалася пагадненне “Pacta conventa”; 3) каранацыйны, на якім ажыццяўлялася каранацыя і прысяга караля.
Cлайд 10
Разам з тым у складзе Рэчы Паспалітай ВКЛ не адводзілася роля польскай каланіяльнай ускраіны. І пасля Люблінскай уніі ВКЛ мела сваё войска, асобнае ад Польшчы заканадаўства і судовую арганізацыю, захоўвала даўні адміністрацыйны апарат і сваю пячатку. Польшча і ВКЛ захоўвалі самастойныя назвы і да 1696 г. мелі розныя дзяржаўныя мовы. У ХVІ – першай палове ХVІІ ст. грошы ў Кароне і Княстве таксама былі асобныя. У большай часткі феадалаў ВКЛ заставаліся антыпольскія настроі. Пасля Люблінскай уніі ў ВКЛ дзейнічаў генеральны соймік, які з цягам часу набываў рысы заканадаўчага органа Княства, а з 1581 г. пачаў дзейнічаць Галоўны трыбунал ВКЛ – вышэйшая апеляцыйная судовая ўстанова ВКЛ.
Cлайд 11
Аднак самым магутным усплёскам барацьбы за незалежнасць ВКЛ было прыняцце Статута ВКЛ 1588 г., які, па сутнасці, скасоўваў шэраг пастаноў Люблінскай уніі. Характэрна тое, што ў ім ні разу не ўпаміналася аб акце уніі. Артыкул 1 раздзела ІV Статута зацвярджаў дзяржаўнасць старабеларускай мовы. У далейшым уплывовымі коламі ВКЛ неаднаразова рабіліся захады адасобіцца ад Польшчы. Урад Рэчы Паспалітай вымушаны быў пайсці на некаторыя саступкі ў адносінах да ВКЛ. У 1673 г. было прынята рашэнне аб правядзенні кожнага трэцяга сойма Рэчы Паспалітай на тэрыторыі Княства, у Гародні, пад старшынствам аднаго з мясцовых дэпутатаў.
Cлайд 12
Вытокі грамадска-палітычнага крызісу Рэчы Паспалітай: палітычны лад дзяржавы спалучэнне нацыянальна-рэлігій- нага прыгнёту з феадальным адсутнасць моцнага войска умовы Люблінскай уніі нявырашанасць рэлігійнага пытання барацьба магнацкіх груповак за ўладу
Cлайд 13
Надзвычай слабая цэнтральная ўлада і магнацкая анархія сталі асноўнай прыкметай Рэчы Паспалітай у наступныя дзесяцігоддзі праўлення Аўгуста ІІ (1696 – 1733 гг.) і яго сына Аўгуста ІІІ (1733 – 1763 гг.).
Cлайд 14
У 1764 г. група прыхільнікаў рэформ на чале з князямі Чартарыйскімі ажыццявіла спробу іх рэалізацыі, хоць і ў значна абмежаваным выглядзе. Гэта прывяло да стварэння Торуньскай (пратэстанцкай) і Слуцкай (праваслаўнай) канфедэрацый, пад уціскам якіх сойм 1767 – 1768 гг. не толькі прызнаў роўнасць усіх веравызнанняў, але і адмяніў большасць прынятых раней рэформаў.
Cлайд 15
У адказ на гэта частка кансерватыўнай эліты Рэчы Паспалітай ўзняла сапраўднае паўстанне супраць караля Станіслава Аўгуста Панятоўскага (1764 – 1795 гг.), якое ўвайшло ў гісторыю пад назвай Барская канфедэрацыя. Аднак канфедэратыўны рух быў задушаны з дапамогай рускай арміі.
Cлайд 16
Вынікам гэтага паражэння стаў першы падзел Рэчы Паспалітай у 1772 г. Згодна з ім, Усходняя Беларусь адышла Расіі, поўдзень Польшчы і Заходняя Украіна– Аўстрыі,а польскае Памор’е было акупіравана Прусіяй.
Cлайд 17
Чарговая спроба карэнных пераўтварэнняў адбылася на Вялікім альбо 4-хгадовым сойме (1788 – 1792 гг.). На ім 3 мая 1791 г. была прынята Канстытуцыя Рэчы Паспалітай, згодна з якой улада манарха станавілася спадчыннай, былі пашыраны паўнамоцтвы Пастаяннай Рады (створана ў 1775 г.), ліквідавалася права “liberum veto”. Федэратыўная аснова новага дзяржаўнага ладу была пацверджана ў рашэнні сойма ад 20 кастрычніка 1791 г. У цэлым Канстытуцыя і іншыя законы, прынятыя на сойме, адкрывалі мірны шлях да буржуазных пераўтварэнняў у краіне.
Cлайд 18
14 мая 1792 г. праціўнікі Канстытуцыі пад пакравіцельствам Расіі стварылі Таргавіцкую канфедэрацыю. Пачалася грамадзянская вайна, у ходзе якой на тэрыторыю Рэчы Паспалітай былі ўведзены рускія і прускія войскі. У выніку кароль і магнаты былі вымушаны далучыцца да канфедэратаў і выступіць супраць рэформ. Да таго ж пад прымусам Пецярбурга спецыяльна сабраны сойм у Гродне ў 1793 г. афіцыйна зацвердзіў умовы другога падзелу Рэчы Паспалітай. Да Расіі адышла Цэнтральная Беларусь і большая частка Украіны, а Прусія захапіла заходнія ваяводствы Польшчы.
Cлайд 19
Рэакцыяй на фактычнае ператварэнне Рэчы Паспалітай у марыянетачную краіну стала нацыянальна- вызваленчае паўстанне, узнятае 24 сакавіка 1794 г. Т. Касцюшкам у Кракаве. Праз месяц яно ахапіла і заходнюю частку ВКЛ, дзе на чале паўстанцаў стаў Я. Ясінскі. Мэтай паўстання было адраджэн- не Рэчы Паспалітай у межах 1772 г. Аднак паўстанне было падаўлена.
Cлайд 20
Вынікам гэтага стала заключаная ў жніўні 1795 г. дамова паміж Расіяй, Аўстрыяй і Прусіяй аб канчатковым падзеле Рэчы Паспалітай. 25 лістапада 1795 г. кароль Станіслаў Аўгуст адрокся ад трона.
